Gli ischs so wiit!

Hallo vo Australie!!
So gli isches so wiit und es fangt a mitem College! Die nächschte zwei Wucheh werded ned so sträng si. Ich han hüt no frei gha und am Mittwuch hani au wieder frei. Nächscht Wuche wird au so usgseh. Ich bin gschpannt was uf mich zue chunt. Was ich alles ztue wird becho und wo ich iteilt wird zum hälfe. Ich freu mich riesig. Obwohl mer die und die nächscht Wuche nur 3 Täg am College werded verbringe, isch de Stundeplan rächt gfüllt. Mir hend de ganz Tag aktivitäte und teilwies au am Abig öpis los.
Wie zum Biespil hämmer morn Abig, mir heisst nur d Fraue. Sisterhood United night. Das heisst all Fraue vode Hillsong Camus, träffed siche morn ide City Campus (wo ich as College gahn). Sisterhood isch gründed vode Bobbie Houston, Sie und Ihre Ma de Brian Houston sind gründer vode Hillsong. Sisterhood isch quasi en Platz für Fraue. Mir hend jede Donnschtig morge es Sisterhood träffe. Ich bin sehr gschpannt was uf eus zuecho wird. Morn isch en Abig wo sich all Fraue vode Hillsong Church träffed und eifach zäme chömed. Ich chan nonig viel dezue säge. Es isch en Platz, wo Fraue i jedem Alter, Fraue us jedere Nation ermuetigt werded, en underschied zmache. Es isch en Platz wo Fraue Troscht gfinded, en zuefluchtz Ort, wo Fraue sich gägesitig chend hälfe. Ich wird am Ändi vo dere Wuche meh devo verzelle. Für alli wo scho meh wend wüsse. http://thecoloursisterhood.com
Drum möcht Ich alli Fraue hüt ganz speziell ermuetige. Ihr sind wunderbar. Jedi Frau isch uf induviduelli Art und Wies wunderschön gmacht. Jedi isch einzigartig und speziell. Jedi Frau, het ihri Gabe und Talänt. Jedi Frau isch für en wunderbare Plan gmacht. Dezue bestimmt öpis wertvolls ztue. Debi chunts ned druf a ob du e Huusfrau bisch, oder Lehrerin oder e steili Karierre verfolgsch. Es gaht drum das du als wunderbari und wunderschöni Frau, dini Gabe und Talänt bruchsch und nutzisch. Die Gabe und Talänt sind es Gschänk vo Gott, wo mir becho hend. Bruched die, mached öpis drus. Drum möcht Ich eu ermuetige liebi Fraue, das zmache wo ihr guet chönd. Es isch schaad, wen mer öpis guet chan und d Chance ned nutzt zum das usläbe. Jedi het das und es brucht jedi vo eu! Vergässed au ned, das ihr wunderschön sind. Ihr sind einzig artig und es git jedi vo eu nur immer eimal. Vergässed all de Medieschrott, wo Tagtäglich dur eui Chöpf speeded und sich ieschliche wend, i eune Gedanke und wo eues Sälbschtbild wend zerstöre. Hollywood isch wiit weg und ned real. Ihr bruched kei stäcke Figur zum agnoh si, oder e gwüssi Haarfarb oder e bestimmti Chleidermarke. Ich möcht eu ermuetige, jede Morge in Spiegel zluege und eu sälber zsäge, das ihr schön sind. Ja säge das, am Morge wen ihr ufstönd und no ned gschminkt sind, stönd vorem Spiegel und säged, ich bin wunderschön. Will so wiener sind, ungschminkt und Naturpur, eifach wunderschön. Vergässed sverglichsdänke, das ihr so wend sie wie anderi, vergässed iversucht und strbeds ned a so si wie anderi. Du bisch du und du bisch wunderschön. Du musch ned öpert anders sie oder wie öpert ander sie. Du bisch guet wie du bisch, will dich Gott so gschaffed het. Was er gmacht het isch guet. Und Gott sah an alles, was er gemacht hatte, und siehe, es war sehr gut. 1.Mose 1.31 Gsehnder das staht sogar i sim Wort und es staht sogar sehr gut. Also ohr sind sogar sehr gut.
Ich danke dir dafür, dass ich wudnerbar gemacht bin; wunderbar sind deine Werke; dass erkennt meine Seele. Psalm 139.14
Ich bin wunderbar gmacht und das han ich dörfe erchäne, so wieni bin, ich muss mich ned ändere ich muss, ned irgendwelche Schönheits Ideale nahgah, sondern ich dörf so si wieni bin. So dörfsch du au. Ich möcht eu eifach au säge, d Gsellschaft die ändred sich immer. D Mode verändred sich, Schönheits Ideale ändred sich und vieles andere au. Aber das wo Gott über dich dänkt und seit, das ändred sich ned, es blibt glich, will er din Schöpfer isch. Er isch immer de glich gsi und isches no und wirds immer si. D Bible isch seinzige wo sich nie wird ändere. Sit mehreri 1000 Jahre staht immerno sgliche drin und das wird au immer so si. Aber alles andere ändred sich. Das isch min Halt fürs Läbe, es git mir feschte Bode under de Füess, will min Glaube öpis isch, wo sich ned ändered. Ich derf eifach sie wie ich bin...
Am änd vodere Wuche, hani sicher einiges zverzelle, wies isch, was gange isch etc.. ich freu mich druf no meh chöne zverzelle.

Bis det hi, bhüet eu Gott

vergässed ned, du bisch wundberschön!!

24.07.2010

Für alli wo gern möchted meh wüsse:

http://www.hillsong.ch/
http://www.hillsongcollege.com/
http://www.myhillsong.com/
http://www.hillsongunited.com/
http://www.iheartrevolution.com/

das sind glaub alli möglichi sitene, wo all infos über alles das git woni mach!

falls er mir mal persönlich wend schriebe:
m_cristina_89(at)hispeed.ch

freu mich über jedes mail und jede komentar und ich bedank mich fescht defür!!

bis gli

Cristina

Erschte itrag!! =)

So äntli, hani mal ziit zum da öpis poste!!
danke Larissa das du de Blog für mich gmacht häsch! ich woten au nutze, wen du dir scho die müeh gäh häsch! =) umarmi di defür dur de compi!

Ja so, ich bin in Australie! wow, wie isch ächt das nur passiert?? ich chans immer nonig glaube, aber es isch wahrhaftig so!
für alli wo ned wüssed was ich da mach, ich bi am Hillsong International Leadership College. Das isch es Bible College. Es isch ned eifach wie e Uni oder suscht es Studium, womer eifach da isch zum bestah. Es isch enart e Bibelschuel, also mit Theologische Themene. Aber au viel praktisch. I dem Campus wo ich etz bin, chan mer 2 verschiedeni Streams mache. De einti isch Worship Stream und de ander isch de Pastoral Stream, de mach ich. Näbed dene Streams gits no so Pathways. Aso öpis wo mer no näbed em Theologiestudium macht. Da gits verschiednigs, womer sicher au ide Chille brucht. Wie Youth Ministries (Jugendarbet) Kids Ministries (Chinderarbet) Church Ministries (Arbete ide Chille) Social Justice ( Sozial Arbete) es git no paar anderi... Ich han de Pathway Sozial Justice gwählt. Ich bin mega gschpannt, was da alles uf mich zuechunt! Ich freu mich sehr uf die praktisch Arbet, will ich glaub ich bin sehr en Praktische Mänsch und ich pack gern a! Aber ich freu mich au uf de Schuelisch teil. Für de Momänt würdi säge, bim schuelische Teil mussi viekicht meh dehinder, aber das wird sich alles zeige.
Ja nächscht Wuche fangts den a, ich bin u ufgregt, es wird sicher super! =)

Ja langsam läb ich mich au chli i da in Australie. Mis Heiweh isch immer underschiedlich. Ich vermisse mini Fründe und Familie sehr. Aber ich weiss ich bin da für de Momänt am richtige Ort. Es wird sicher es Jahr wo mich sehr wird verändere, aber ufjede fall uf positivi Art und Wies. Bis etz hani nämli no nüt negativs vo de Studänte ghört. Nur das es mängisch Taff isch und Läbensverändernd aber uf guetem Wäg. Ja mal luege was no chunt! ;-)

Bis etz hani scho paar sache gseh vo Sydney. Verschiedeni Stränd, hani gseh, natürli de berüemti Bondi Beach. So gaht zmitzt ide Stadt gfallts mer ned umebdingt. Aber ebe so Stränd da, sind wunderschön. Ich bin sehr beidruckt vo dene Intensive Farbe. Ich weiss ned ob das eifach dadra lieht, das ich scho lang dahi ha wölle. Aber ich nimm eifach die ganz Naturumgäbig anderscht wahr. Ich möcht alles i mich ufsuge und ganu aluege, demit ich nüt verpass oder vergiss. Es isch eifach e winderbaro Schöpfig, weni die sache gsehn, den zeigt mir das eifach au das nur en Gott hinder all dem chan si. Es isch mir ned erchlärbar, wie all das wunderschöne, wo mir uf de Wält hend, eifach usem zuefall oder so entstande isch. Es muss eifach en Plan dehinder si. Ich glaub ich derf eifach das wunderbare und wunderschöne vo euse Schöpfer gmacht het, neu erchäne. Ich bin begeischtered. I feel like dancing! =) Ganuso isches au wen ich die viel verschiedeni Studänte um mich ume gsehn. Vo überall hämmer Studänte, Europa, Asie, Amerika, Latinamerika,Australie... Jede isch eifach so verschiede, aber wunderschön uf eigeni Art. Individuell und Originell, wow so öpis zverstah, das isch eifach es Gschänk für mich. Und all simer da, wills kein zuefall isch. Sondern will d Liebi Gottes so unbeschrieblich gross isch , das er jedes gmacht het, zum eifach die Liebi witer geh! Ich weiss ned ob mich all verstönd, wo das läsed, aber das isch de Grund warum mir da sind. Will Gott de isch wo d Liebi gmacht het, und sie eifsch möcht teile. Drum bisch du, du wo das gad liesst da, will Gott dich liebt, bedingislos. Fürm ich zeigt sich die Lîebi au i dem woni da derf gseh, all das wunderschöne, isch für mich und für dich!
Ja um zruck zcho... ;-) S Opere Huus, isch fantastisch! Unbeschrieblich schön, wämer das Gebäude am Abig chan gseh, mit de Liechter vo de Stadt rundume. Das git es wunderschöns Bild und im hindergrund no d Harborbridge. Herrlich, das het mer au seh gfalle! Es isch so en underschied, wämer das wücki Life gseht, als uf irgendeme Bild womer gad Googled het! Ich freu mi weni den mal det es Theater, oder es Balett oder e Opere chan aluege! Das wer Toll! ich weiss ned ob ich uf dem Blog chan Fotis uflade! Lari chan ich das? Suscht, hani scho paar fotis uf mim Facebook Profil. Für all die wo luege wend!

Ja ich glaub das isch etz viel gsi. Ich glaub ich lahns mal für hüt. Ich freu mi sehr, wener de Blog bsueched und freu mi über jede Läser und Läserinn! Ich hoff es isch spannend und wen ned, den münders ja ned läse;-) aber alli wos intressiert, viel spass!
So bi mir isch etz 20.25 und bi eu 12.25. Drum wünschi eu no en schöne Reschttag! Hebed sorg!

Bhüet eu Gott

Cristina

funktionierts?

hallo??