Geschter, han ich ja frei gha. Ich han en wunderschöne Tag am Maroubrabeach verbracht. Isch min absolute lieblingsstarnd da in Sydney. Ich han so e rueh dörfe ha, es het fascht kei Lüt gha. D Sunne het mer is Gsicht glached, de Duft vo Salzwasser ide Nase, s rusche vode Wälle ide Ohre und dwiiti von Ozean ide Sicht. S Meer het so öpis beruigends, ich han so en friede dörfe gschpüre, shet mer richtig guet ta, eifach mal ellei en Tag zverbringe am Strand, ich han mich richtig erhollt gfühlt nocher. Ich bin sälber überrascht, das mer so sache viel bewusster sind da. Ich weiss ned wora das es lieht, aber ich schätzes sehr, das mir eifachi sache so bewusst worde sind. Ich chans viel meh gnüsse und i mich ufneh... vielicht wüsseder ja wie ich das mein. Ich möcht nüm das normali sache eifach normal blibed, ich glaub es isch es Gschänk, wen eim s Läbe und alles drum herum viel bewusster erschient...
Defür hani mi verfahre ufem Heiweg! =) haha aber wen das ned passiert wer, hetti nie die Schwitzerbäckerrei gfunde. Äntli wiedermal richtigs Brot. De Inhaber isch sit 14 Jahr in Australie. Het aber nur für es Studium wölle blibe, ja so schnäll werded 14 Jahr drus. Sis Brot isch wücki super!!
Wünsch eu e gueti Wuche bis gli!
Bhüet eu Gott
Cristina
Haha wehe! Aber guets Brot isch wichtg aber schwer zfinde im Usland! Grüesli us de Schwiiz
AntwortenLöschenliebi cristina, du machsch mer gad echli angst.
AntwortenLöschenwenn dä becker isch go studierä und nachher isch er gad blibä. säg mer das dir das nüd wird pasierä. liebä gruess papi
:D aahh en schwiizerbeck... ich wünscht ich würd da bi mir au eine finde. vermiss schwizer ruuuchbroot ;)) tja, amigs ish es eifach mal doch guet sich zverlaufe, gott ish ja immer debi ;), und den erlebt mer ebe so sache! yeah ~
AntwortenLöschenaber das ish shön zghöre, das en erholsame und chillige tag gah hesh.
druck di ganz fescht!
Larissa
ja wer weiss wer weiss...
AntwortenLöschenja schwitzerbrot, isch eifach super, ich vermisse zopf, aber am sunntig gahn ich nomal, vielicht het er ja... freu mi scho uf din blog lari, und vo schwede zläse!!